યોજનાનો હેતુ

• અનુસૂચિત જાતિના તાલીમાર્થીઓને યુ.પી.એસ.સી/જીપીએસસી/સ્ટેટ કમિશન/બેંક/એલઆઈસી/ગૌણ સેવા પસંદગી મંડળ/જિલ્લા પંચાયત પસંદગી મંડળ દ્વારા લેવાતી વર્ગ-૧,૨ અને વર્ગ-૩ની રાજ્ય સરકાર અને કેન્દ્ર સરકારની તમામ ભરતી પરીક્ષાઓની પૂર્વ તૈયારી માટે વધુમાં વધુ રૂ.૨૦,૦૦૦/- સુધીની સહાય આપવામાં આવે છે

નિયમો અને શરતો

• તાલીમાર્થીએ ઈ સમાજ કલ્યાણ પોર્ટલ પર ઓનલાઈન અરજી કરીને સંબંધિત જિલ્લા નાયબ નિયામકશ્રી, અનુસૂચિત જાતિ કલ્યાણની નિયમોનુસાર પૂર્વ પરવાનગી મેળવ્યા બાદ એટલે કે પ્રાથમિક મંજુરી મળ્યા બાદ જ તાલીમ વર્ગમાં પ્રવેશ મેળવવાનો રહેશે. અન્યથા આ યોજનાનો લાભ મળવાપાત્ર થશે નહિ.
• તાલીમ પૂર્ણ થયા બાદ તાલીમ સહાય મેળવવા માટે પુન: ઓનલાઈન અરજી કરવાની રહેશે તેમજ “તાલીમ સંતોષકારક રીતે પૂર્ણ થયા અંગેનું તાલીમી સંસ્થાનું પ્રમાણપત્ર” અને “ફી ભર્યાની પહોંચ” અપલોડ કરવાની રહેશે તેમજ બાયોમેટ્રિક (ફિંગર પ્રિંટ) હાજરીની હાર્ડ કોપી સંબંધિત જિલ્લા કચેરી ખાતે જમા કરાવવાની રહેશે. જે બાદ પાત્રતા ધરાવતા તાલીમાર્થીને નિયમોનુસાર તાલીમ સહાયની ચૂકવણી તેમના બેંક ખાતામાં ડીબીટી માધ્યમ દ્વારા કરવામાં આવશે
• ઉક્ત પોર્ટલ પર નિયત સમયમર્યાદામાં આવેલ અરજીઓની રાજ્ય કક્ષાએથી યાદી બન્યા બાદ પાત્રતા ધરાવતા તાલીમાર્થીઓને જ જોગવાઈ અને લક્ષ્યાંક ધ્યાને લઈ નિયમોનુસાર તાલીમ સહાય ચૂકવવામાં આવશે
• તાલીમ મેળવ્યા બાદ તાલીમાર્થીએ પોતે કઈ કઈ પરીક્ષા આપી તેની વિગતો સંબંધિત નાયબ નિયામકશ્રી, અનુસૂચિત જાતિ કલ્યાણને સમયાંતરે મોકલવાની રહેશે

તાલીમાર્થીના પાત્રતાના ધોરણો

• તાલીમાર્થી અનુસૂચિત જાતિનો હોવો જોઈએ
• સ્નાતકની પરીક્ષા ૫૦% કે તેથી વધુ ગુણ સાથે પાસ કરેલ હોવી જોઈએ
• વય મર્યાદા પુરુષ હોય તો મહત્તમ ૩૫ વર્ષ અને સ્ત્રી હોય તો ૪૦ વર્ષ રહેશે
• કુટુંબની વાર્ષિક આવક મર્યાદા રૂ. ૬.૦૦ લાખ હોવી જોઈએ
• તાલીમાર્થી અથવા તાલીમાર્થીના માતા કે પિતા સરકારી નોકરી ધરાવતા ન હોવા જોઈએ
• આ યોજનાનો લાભ ફક્ત એક જ વાર મળવાપાત્ર છે.

સંસ્થા પસંદગીના ધોરણો

• સંસ્થા ત્રણ વર્ષ કરતા વધારે અનુભવ ધરાવતી હોવી જોઈએ
• સંસ્થા GST નંબર/PAN CARD ધરાવતી હોવી જોઈએ
• સંસ્થાઓમાં હાજરી માટે બાયોમેટ્રિક (ફિંગર પ્રિંટ) મશીન હોવું જોઈએ
• તાલીમી સંસ્થાની નોંધણી નીચેના પૈકી કોઈપણ એક અધિનિયમ હેઠળ થયેલ હોવી જોઈએ.
  • મુંબઈ જાહેર ટ્રસ્ટ અધિનિયમ, ૧૯૫૦
  • કંપની અધિનિયમ, ૧૯૫૬
  • શોપ એન્ડ એસ્ટાબ્લિશમેન્ટ એક્ટ, ૧૯૪૮ (દુકાનો અને સંસ્થાઓનો અધિનિયમ, ૧૯૪૮)
• તાલીમી સંસ્થામાં ફેકલ્ટી ઓછામાં ઓછા સ્નાતક અને સામાન્ય જ્ઞાનથી માહિતગાર હોવા જોઈએ

રજુ કરવાના ડોક્યુમેન્‍ટ

• તાલીમાર્થીના જાતિ પ્રમાણપત્રની નકલ
• તાલીમાર્થીના આધાર કાર્ડની નકલ
• રહેઠાણનો પુરાવો (વિજળી બિલ, લાયસન્સ, ચૂંટણી કાર્ડ, રેશન કાર્ડ, ભાડા કરાર પૈકી કોઈપણ એક)
• આવકનો દાખલો
• સ્નાતક પાસ કરેલ છેલ્લી માર્કશીટ (જેમાં ટકાવારીની ગણતરી કરી શકાય)
• જે સંસ્થામાં પ્રવેશ લેવાનો હોય તે સંસ્થાનું બોર્ડ દર્શાવતો ફોટો
• જે સંસ્થામાં અભ્યાસ કરવા માંગતા હોય તે સંસ્થાનું નિયત પ્રમાણપત્ર (પોર્ટલ પર ઉપલબ્ધ છે)
• તાલીમ સંતોષકારક રીતે પૂર્ણ કર્યા અંગેનું તાલીમી સંસ્થાનું નિયત પ્રમાણપત્ર (પોર્ટલ પર ઉપલબ્ધ છે) (તાલીમ સહાય મેળવવા માટે)
• સંસ્થામાં ફી ભર્યાની પહોંચ (તાલીમ સહાય મેળવવા માટે)
• વિદ્યાર્થીર્થીની બાયોમેટ્રિક હાજરીની હાર્ડ કોપી (તાલીમ સહાય મેળવવા માટે જિલ્લા કચેરીમાં જમા કરાવવી)
• વિદ્યાર્થીના નામની બેંક પાસબુકના પ્રથમ પાનાની નકલ/રદ કરેલ ચેક (તાલીમ સહાય મેળવવા)